Улуу драматург Уильям Шекспир "Макбет", "Гамлет", "Лир Хоруол" трагедияларын саха народнай поэта Савва Тарасов нууччалыыттан тылбаастаабыта. Ааспыт үйэ сэттэ уонус сылларын саҕаланыытыттан кини тылбааһынан П. А. Ойуунскай аатынан Саха государственнай драматическай, билиҥҥитэ Академическай театрыгар ситиһиилээхтик туруоруллубуттара. Ол туруоруулар национальнай театр репертуарын байыппыттара, үлэтэ-хамнаһа, уус-уран, идейнай өттүнэн интернациональнай буолуутугар, айар кыаҕа салгыы арыллыытыгар улахан суолтаны ылбыттара
