Балаҕан ыйын 10 күнүгэр күнүс 15.00 чаастан СӨ Национальнай бибилэтиэкэтин Историческай саалатыгар Cунтаар улууһугар киэҥник биллэр фольклорист-хомуйааччы Георгий Евгеньевич Федоров - Сэһэн Дьөгүөр төрөөбүтэ 115 сылыгар анаммыт "Г.Е. Федоров: фольклору хомуйааччы уонна кыраайы үөрэтээччи" диэн саҥа кинигэ сүрэхтэниитэ ыытыллыаҕа.
Кинигэҕэ Сэһэн Дьөгүөр улуус уонна өрөспүүбүлүкэ хаһыаттарыгар дойдутун былыргытын: устуоруйатын, оччотооҕу дьон олоҕун-дьаһаҕын туһунан суруйбут кылгас ыстатыйалара, археологическай экспедицияларга сылдьыбыт бэлиэтээһиннэрэ уонна онтон да атын араас матырыйаал киирдэ.
Георгий Евгеньевич Федоров 1959 сылтан этнографиянан, археологиянан дьарыктаммыта. 14 төгүл археологическай экспедицияҕа сылдьыhан 80 араас көмүктэри арыйсыбыта. Фольклорист быһыытынан профессор Ф.Г. Сафоновтыын, фольклорист Н.В. Емельяновтыын, этнографтар С.И. Николаев-Сомоҕоттолуун, А.И. Гоголевтыын, А. А. Поповтуун, Н.Д. Архиповтыын, фольклорист – этнограф К. Д. Уткинныын элбэхтэ бииргэ үлэлээбитэ.
