Бэс ыйын 17 күнүгэр СӨ Национальнай бибилэтиэкэтин Кыраайы үөрэтэр пуонда салаатын ааҕар саалатыгар ураты истиҥ күн буолан ааста. Ол курдук СӨ норуодунай уонна РФ үтүөлээх худуоһунньуга Юрий Спиридонов уонна Кыраайы үөрэтэр пуонда салаата «Саха ойуулуур-дьүһүннүүр ускуустубата» диэн холбоһуктаах бырайыактарын чэрчитинэн СӨ керамистарын сойууһун чилиэнэ, СӨ норуотун маастара, Дьокуускайдааҕы Ф.И.Авдеева аатынан оҕо дыбарыаһын педагога Лена Пинигина быыстапкытын үөрүүлээхтик сабыы буолла.
Лена Пинигина аныгы саха ускуустубатыгар ураты суоллаах-иистээх быыстапкатынан дьон-сэргэ, ааҕааччы болҕомтотун тарта. Натюрмортара хас биирдии көрөөччү кутун туталлар. Кини хартыыналарыгар төрөөбүт дойду кэрэ айылҕатын, саха ыалын эйгэтин, оҕо саас кэрэ кэмнэрин сылаас тыына биллэргэ дылы гынар.
Тэрээһин ыалдьыттара Россия пофессиональнай худуоһунньуктарын Сойууһун чилиэнэ Светлана Иванова, Россия наукаларын Академиятын Сибиирдээҕи салаатын А.П.Ларионов аатынан Хотугу сир физико-техническай проблемаларын чинчийэр институтун инженерэ Василий Тагров, юрист, арбитражный дьаһайааччы Екатерина Пинигина, уо.да.а. кэлэн быыстапка, худуоһунньук туһунан санааларын сайа эттилэр, айар үлэтигэр ситиһиилэри баҕардылар.
Дьоро күн дьоруойа Лена Пинигина удьуордарыттан утумнаабыт айар-тутар дьоҕурун туһунан, үлэлэрин, инники былааннарын сырдатта.
Бу күн бэйэтин эҕэрдэтин М.Н.Жирков аатынан музыкальнай колледж преподавателэ, хомусчут Варвара Степанова эҕэрдэтин тиэртэ.
Бу тэрээһини Кыраайы үөрэтэр пуонда салаатын сэбиэдиссэйэ, СӨ култууратын туйгуна Лариса Кычкина иилээн-саҕалаан ыытта.
Екатерина Попова.
