Ыам ыйын 26 күнүгэр күнүс 14ч. СӨ Национальнай бибилэтиэкэтин Историческай саалатыгар норуот маастара, РФ үөрэҕириитин Бочуоттаах үлэһитэ Людмила Жиркова айар үлэтин тула истиҥ-иһирэх кэпсэтиигэ ыҥырабыт.
Тэрээһин Арассыыйаҕа Норуоттар сомоҕолоһууларын уонна Саха сиригэр Култуура сылын чэрчитинэн ыытыллар. Бу күн кыттыыны ылыахтара Аан дойдутааҕы «Душа России» кырадаһынынан тигии күрэҕин дипломаннара «Үктэл» айар түмсүү кыттыылаахтара, норуот маастара Людмила Жиркова уһуйуллааччылара. Тэрээһиҥҥэ анаан кинигэ быыстапката үлэлиэҕэ. Кэлиҥ, сылдьыҥ, кэрэни кэрэхсээҥ.
