Фото: Виктория Ильина
Ыам ыйын 25 күнүгэр 16:00 чаастан кэрэ кэпсээн кэһиилээх, самаан сайыммытын уруйдуу көрсөр СӨ Национальнай бибилэтиэкэтин «Өбүгэ ситимэ» бырайыак чэрчитинэн ыытыллар тэрээһиҥҥэ ыҥырабыт.
Бу күн Арктикатааҕы судаарыстыбаннай агротехнологическай үнүбэрситиэт ас-үөл технологиятын уонна индустриятын хаапыдыратын профессора, тыа хаһаайыстыбатын доктора Константин Степанов собо балык туһатын сүтүгэ суох астыыр ньымаларын кэпсиэҕэ.
Гуманитарнай чинчийии уонна хотугу аҕыйах ахсааннаах омуктар проблемаларын үнүстүүтүн учуонайа, историческай наука хандьыдаата, этнограф Наталия Данилова үйэлэри уҥуордаан илдьэ кэлбит саха омугун үгэһин үйэтитэр сыаллаах, сиэри-туому сөпкө толоруу туһунан лиэксийэтин истиэхпит.
Маны таһынан, тэрээһиҥҥэ Дьокуускайдааҕы Ю.А. Гагарин аатынан култуура уонна аныгы ускуустуба киинин П.К. Розинская уонна В.Я. Птицын аатынан тыыл уонна үлэ бэтэрээннэрин норуодунай хора (хормейстер Рустам Слепцов), "Арчы Дьиэтэ" духуобунай култуура киинин уус-уран салайааччыта, СӨ култууратын туйгуна Любовь Константинова - Кыталы Куо кыттыахтара.
Буолар сирэ: СӨ Национальнай бибилэтиэкэтин Историческай саалата
Аадырыһа: Ленин проспегын 40 дьиэтэ, 2 этээс
