Ыам ыйын 13 күнүгэр, күнүс 15 чаастан СӨ Национальнай бибилэтиэкэтин Историческай саалатыгар саха бастакы бэйиэт дьахтара Варвара Потапова 80 сааһыгар аналлаах «Варвара Потапова алгыстаах түһүлгэтэ» көрсүһүүгэ ыҥырабыт.
Бу күн «Барыта баар хоһооҥҥо» Варвара Потапова саҥа кинигэтин билиһиннэриэхтэрэ. “Кинигэ дьоҕус халыыбынан тахсан сиэпкэ укта сылдьан ааҕарга табыгастаах”, - диэн бэлиэтиир тэрийэр бөлөх. Бу киэһэ Варвара Потапова хоһооннорун ааҕыы, ырытыы алгыстаах түһүлгэтин сүрүннүөхтэрэ: СӨ норуодунай артыыһа Зоя Багынанова салайааччылаах П.А.Ойуунускай аатынан Саха тыйаатырын артыыстара, бэйиэттэр, аймах-билэ дьоно, биир дойдулаахтара, бэйиэт айар үлэтин сэргиир устудьуоннар, эдэр ыччат.
Кэлиҥ, сылдьыҥ, хомоҕой хоһоон дьоро киэһэтигэр кыттыһыҥ!
