Муус устар 9 күнүгэр күнүс 15ч. СӨ Национальнай бибилэтиэкэтин Историческай саалатыгар РФ үтүөлээх юриһа, Россия прокуратуратын бочуоттаах үлэһитэ, юстиция генерал-майора, М.К.Аммосов аатынан ХИФУ профессора Макар Макарович Яковлев «Силиэстийэ уонна бэлиитикэ эридьиэстэрэ» кинигэтин сүрэхтэниитигэр ыҥырабыт.
Кинигэҕэ автор Макар Макарович олоҕун кэрдиистэрин –оҕо саһыттан саҕалаан, үрдүк үөрэх кыһатыгар үөрэммит сылларын, үлэлээн ааспыт сылларын араас кэрдиис кэмнэрин сырдатар. Кинигэҕэ автор бэйэтин олоҕун эрэ буолбакка, тулатыгар буолбут түгэннэргэ көрүүтүн, сыанабылын, дьылҕатыгар көрсүбүт дьонун уонна сокуону чөлүгэр түһэрии охсуһуутун сорох түгэннэрин киллэрэр.
Кинигэ биһирэмигэр кэлэн кыттыыны ыларгытыгар ыҥырабыт.
