Арассыыйаҕа Норуоттар сомоҕолоһууларын сылын, Саха сиригэр Култуура сылын чэрчитинэн уонна «Чолбон» сурунаал төрүттэммитэ 100 сылын көрсө II Өрөспүүбүлүкэтээҕи литэрэтиирэ кулууптарын уонна айар түмсүүлэрин пуорума Хаҥаластааҕы киин бибилэтиэкэҕэ үөрүүлээхик аһылынна.
Тэрээһиҥҥэ Алдан оройуоннуттан, Томпо, Таатта, Ньурба, Бүлүү, Уус Алдан, Чурапчы, Хаҥалас улуустарыттан, Дьокуускайтан муһуннулар.
Кыттааччылара хайысхаларынан арахсан үлэлэрин саҕалаатылар.
1. «Уус-уран тыл. Проза» экспертэринэн суруйааччылар Данил Макеев, Анатолий Слепцов уонна Анна Варламова-Айысхаана үлэлииллэр.
2. «Уус-уран тыл. Поэзия» хайысхаҕа «Чолбон» сурунаал бас эрэдээктэрэ Гаврил Андросов, Рустам Каженкин, Ангелина Шадринова-Суоһааны кыттааччылар айымньыларын ырыталлар, саҥа суруйааччыларга сүбэ-ама биэрэллэр.
3. «Саха аныгы литературатыгар ааҕаччы рецензията» хайысха ааҕааччы уонна суруйааччы икки ардыгар баар ситими чиҥэтиигэ уонна кириитикэни сайыннарыыга туһуланар. Экспертэр - Ольга Макарова, Анна Прудецкая уонна Саргылаана Карманова.
4. «Киинэ уонна сериал сценарийын маастарыстыбата» экспертэринэн киинэ уонна тыйаатыр эйгэтин биллэр-көстөр үлэһиттэрэ Утум Захаров, Семен Ермолаев-Сиэн Өкөр, Эдуард Новиков уонна Октябрина Шестакова үлэлииллэр.
Хаартыскалар Хаҥалас бибилэтиэкэтин сайтыттан ылылыннылар.