Кулун тутар 3 күнүгэр күнүс 15 чаастан норуот маастара, Дархан Уус Павел Тимофеев чаҕылхай олоҕун туһунан ахтыы кинигэтин биһирэмигэр ыҥырабыт.
Кинигэ Павел Григорьевич өбүгэлэрин үтүө үгэстэрин утумнаан, үйэлэргэ үйэтитэр сыаллаах-соруктаах, айа-тута, үлэлии-хамсыы сылдьыбыт чаҕылхай олоҕун туһунан дьиэ кэргэнин, аймахтарын ахтыыларыгар сырдатыллыаҕа. Тэрээһин норуот маастарын күнүн чэрчитинэн ыытыллыаҕа.
Үрүҥ илгэ маанылаах иhитэ, чороон оҥоруута көлүөнэттэн көлүөнэҕэ бэриллэн, салҕанан бара турарыгар ыра санаалаах удьуор уус Киргиэлэй уола Байбал Түмэппиэйэп айымньылаах үлэтэ, сүдү талаана кэлэр кэнчээри ыччакка бастакы холобур буолуоҕа диэн эрэнэбит. Ааҕааччы киэҥ араҥатыгар ананар.