Олунньу 16 күнүгэр Өлүөхүмэ оройуонун Кыыллаах сэлиэнньэтигэр оҕо суруйааччыта Агния Барто төрөөбүтэ 120 сылын көрсө, кини хоһооннорун тылбаастаан, саҥа кинигэ сүрэхтээтилэр. Кырачаан кинигэ Агния Барто «Я выросла» хоһоонуттан сиэттэрэн, «Мин улааттым» диэн ааттанна.
Хоһооннору бибилэтиэкэр Раиса Лавернова бииргэ төрөөбүт, хоһоонньут, Дьокуускайга олорор эдьиийин Мария Поскачинаны кытта тылбаастаабыттар. Бу кинигэ тахсарыгар тохсунньу бүтүүтэ аахсыйа биллэриллибитэ, ол курдук 4-11 саастарыгар диэри барыта 15 оҕо Агния Барто хоһооннорун үөрэтэн, доргуччу ааҕан иһитиннэрэн, аахсыйаҕа кыттыбыттар. Кыттыбыт оҕолорго кинигэ, махтал сурук, минньигэс туттарыллыбыт.
«Кинигэбитин оскуола бибилэтиэкэтигэр, уһуйааҥҥа бэлэхтээтибит. Кэккэлэһэ олорор нэһилиэктэр уһуйааннарыгар, оскуолаларыгар, улууспут оҕо бибилэтиэкэтигэр бэлэх уунар баҕалаахпыт», - диэтэ Раиса Лавернова.
Кинигэни манна ааҕыҥ.