Ийэ тыл уонна сурук-бичик күнүн чэрчитинэн сахалыы таба суруйуу үөрүйэҕин олохсутар, иҥэрэр сыаллаах «Сахалыы дьыктаан» аахсыйа өрөспүүбүлүкэ бибилэтиэкэлэригэр 12 төгүлүн ыытылынна.
Бу сылга кииннэммит бибилэтиэкэлэргэ Д.К. Сивцев- Суорун Омоллоон «Чүөчээски» кэпсээниттэн быһа тардан суруйдулар. Туйгун сыананы 900 кэриҥэ киһи ылла - бу былырыыҥҥы сылтан лаппа элбэх.
Тэрийээччилэр бэлиэтииллэринэн, Чурапчы, Уус Алдан, Сунтаар, Мэҥэ Хаҥалас, Нам, Үөһээ Бүлүү, Дьокуускай уонна хотугу улуустар киин бибилэтиэкэлэрэ ордук көхтөөхтүк кытыннылар.
Маны таһынан, Дьокуускайга «Сахалыы дьыктаан» аахсыйа олунньу 18 күнүгэр күнүс 16.00 чаастан СӨ Национальнай бибилэтиэкэтигэр ыытыллыаҕа. Быйыл Саха сиригэр Култуура сылынан СӨ Култуураҕа уонна духуобунай сайдыыга миниистирэ Афанасий Ноев, Ил Түмэн дьокутаата, А.Д. Макаров аатынан Дьокуускайдааҕы култуура уонна ускуустуба кэллиэһин дириэктэрэ Захар Никитин уонна Олоҥхо тыйаатырын артыыһа, СӨ култууратын туйгуна Дмитрий Хоютанов бу күн дьыктааны ааҕан иһитиннэриэхтэрэ.