Төрөөбүт тыл уонна сурук-бичик күнүгэр аналлаах "Сахалыы дьыктаан" аахсыйаҕа аҕам саастаах уонна доруобуйаларынан хааччахтаах дьон кыттыыны ыллылар. Ол курдук Национальнай бибилэтиэкэ үлэһиттэрэ Нэьилиэнньэни социальнай өҥөнөн хааччыйыы өрөспүүбүлүкэтээҕи кэлим киинигэр уонна "Эрчим" күнүскү сылдьыы салаатыгар үгэскэ кубулутан быйыл үһүс төгүлүн ыыттылар.
Тэрээһиҥҥэ уопсайа 24 киһи кыттынна, ол иһигэр тэрилтэ үлэһиттэрэ эмиэ көхтөөх кыттыыны ыллылар. «Быйыл дьыктаан тиэкиһин саха норуодунай суруйааччыта Амма Аччыгыйа "Сааскы кэм" айымньытыттан ыллыбыт, айымньыны аҕам саастаах дьон үксэ аахпыт, билэр айымньылара буолан улахан ыарахаттары көрсүбэтэх буолуохтаахтар», - диэн тэрийэр бөлөх үллэстэр.
Тэрээһин 2014 сылтан СӨ Национальнай бибилэтиэкэтэ уонна М.К. Аммосов аатынан ХИФУ Арассыыйа Бэдэрээссийэтин Хотугулуу-Илиҥҥи олохтоох норуоттарын тылларын уонна култуураларын үнүстүүтэ көҕүлээһининэн, култуура уонна духуобунай сайдыы министиэристибэтин өйөбүлүнэн ыытыллар.