Саха Өрөспүүбүлүкэтин Национальнай бибилэтиэкэтин историческай саалатыгар алтынньы 10 күнүгэр күнүс 15 ч. поэзияны сэҥээрэр ааҕааччылары Одьулуунтан төрүттээх талааннаах поэт, тылбаасчыт Дмитрий Герасимович Дыдаев төрөөбүтэ 90 сылыгар аналлаах «Дорҕоон буоламмын, дуораһыйан иһэн, уостан сүтүмүүм...» кинигэ сүрэхтэниитигэр күүтэбит.
Дмитрий Дыдаев бу орто дойдуттан барбыта быданнаатар даҕаны, кини аата саха поэзиятыгар умнуллубат аат. Быйыл поэт 90 сааһын көрсө кини айымньыларын барытын түмэн, хомуйан Национальнай бибилэтиэкэ уонна суруйааччы биир дойдулааҕа, өрөспүүбүлүкэҕэ биллэр общесвеннай-политическай деятель Альбина Иннокентьевна Поисеева көҕүлээһиннэринэн «Дорҕоон буоламмын, дуораһыйан иһэн, уостан сүтүмүүм...» кинигэ таҕыста.
Кинигэ бастакы туомугар Дмитрий Дыдаев хоһоонноро, тылбаастара, ыстатыйалара түмүлүннүлэр, иккис туомугар поэт туһунан ахтыылар, анабыллар, кэргэнин Татьяна Петровнаны кытта суруйсубут суруктара уонна үөлээннээхтэрин, биир дойдулаахтарын ахтыылара киирдилэр.
