Алтынньы 9 күнүгэр күнүс 15 чааска бэйэбит кэммит салайааччытын Владимир Тихонов олоҕун уонна үлэтин туһунан сырдатар «Киһи киэнэ кэрэмэһэ» ахтыы кинигэтин тула иһирэх кэпсэтиигэ ыҥырабыт. Биһирэми иилээн-саҕалаан ыытыа - кинигэ ааптара, СӨ норуодунай суруйааччыта, бэйиэт, тележурналист Наталья Михалева-Сайа.
Кинигэҕэ Владимир Тихоновы кытта биир кэмҥэ үлэлээбит, айбыт-туппут дьон кини салайааччы быһыытынан ураты мындыр өйүн, киһи быһыытынан сиэр-майгы маанытын мэктиэлиир ахтыылара тиһиллэн киирбит. Кинигэ ааҕааччы киэҥ араҥатыгар ананар.
Буолар сирэ: СӨ Национальнай бибилэтиэкэтин историческай саалата.
